.,,პრემიერმა თქვა, რომ ის, პოლიტიკა, რასაც რუსეთი აწარმოებს, თვითონ აფხაზების ინტერესებსაც ეწინააღმდეგება", _განმარტა თავდაცვის მინისტრმა ირაკლი ალასანიამ პრემიერ-მინისტრის ირაკლი ღარიბაშვილის განცხადების საპასუხოდ.
ირაკლი ალასანიას თქმით, პრემიერი გულისხმობდა იმას, რომ პოლიტიკა, რომელსაც რუსეთი აწარმოებს, თავად აფხაზეთის ინტერესებსაც ეწინააღმდეგება და, თუ მათ იდენტობის შენარჩუნება სურთ, ამას მხოლოდ თავისუფალ სივრცეში, საქართველოსთან ერთად, შეძლებენ.
,, ეს იყო ქართველების წინააღმდეგ ჩადენილი ეთნიკური წმენდა. მათ შორის იმ ადამიანების დახვრეტა, რომელიც განხორციელდა 27 სექტემბერს. აქედან გამომდინარე, დღეს გვაქვს ფაქტობრივად ოკუპაცია და ანექსიის დასაწყისი. პრემიერი რას გულისხმობს მე გეტყვით, რაც მან თქვა არის ის, რომ ეს პოლიტიკა, რასაც რუსეთი აწარმოებს, თვითონ აფხაზების ინტერესებსაც ეწინააღმდეგება. მათ უნდათ შეინარჩუნონ საკუთარი იდენტობა, ამას შეინარჩუნებენ მხოლოდ და მხოლოდ თავისუფალ სივრცეში - საქართველოსთან ერთად ევროპაში. თვითონ ომის პირობებში ელაპარაკებიან სახელმწიფოები ერთმანეთს,აქედან გამომდინარე ეს არხები უნდა არსებობდეს", - განაცხადა ირაკლი ალასანიამ.
პემიერი-მინისტრის ირაკლი ღარიბაშვილის განცახდებით, რუსეთსა და აფხაზეთს შორის "ინტეგრაციისა და თანამშრომლობის შესახებ" შეთანხმების პროექტი მისთვის შემაშფოთებელია.
,,არ მინდა დავიჯერო, რომ აფხაზეთის მოსახლეობა და აფხაზი ერი სწორედ ამისკენ მიისწრაფვის. ეს პირდაპირ ეწინააღმდეგება მათ მიერ წარმოებულ 25-წლიან ბრძოლას თვითგამორკვევისთვის, აღიარებისა და ე.წ დამოუკიდებლობის მიღწევისთვის. ჩემი ინფორმაციით, აფხაზეთში არაერთგვაროვანი პოზიცია დაფიქსირდა, საკმაოდ კრიტიკული დამოკიდებულება აქვთ ამ ტექსტის მისამართით, - განაცხადა ღარიბაშვილმა.
