მეორე არხთან დაკავშირებით დადებულ "ურთიერთგაგების მემორანდუმს" კიდევ ოთხი ოპოზიციური პარტია შეუერთდა. ამის შესახებ განცხადება საპარტალმენტო უმრავლესობის წარმომადგენელმა ჩიორა თაქთაქიშვილმა გააკეთა. როგორც მან აღნიშნა მემორანდუმს გუშინ ხელი მოაწერეს ახალმა მემარჯვენეებმა, რესპუბლიკელებმა, საქართველოს გზამ და მრეწველებმა.
თაქთაქიშვილი ოპოზიციის ამ ნაბიჯს მიესალმება და აცხადებს, რომ "ეს არის კიდევ ერთი დადასტურება იმისა, რომ მეორე არხის პოლიტიკურ არხად გადაკეთება სწორი ნაბიჯი იყო". ამასთან მან კატეგორიულად უარყო გავრცელებული ინფრომაცია იმასთან დაკავშირებით რომ შესაძლოა არხი 30 მაისის არჩევნების შემდეგ დაიხუროს.
"არხის არა თუ დახურვა, არამედ გაუმჯობესება იგეგმება. ამიტომაც მე ამ ინფორმაციას კატეგორიულად ვუარყოფ. საზოგადოებრივი მაუწყებლის ბაზაზე პოლიტიკურ არხად გარაქმნილმა მეორე არხმა საზოგადოებაში უკვე მოიპოვა პოპულარობა და მისი კიდევ უფრო გამრავალფეროვნება და ტექნიკური აღჭურვილობით გაუმჯობესება იგეგმება", - აცხადებს თაქთაქიშვილი. რაც შეეხება მეორე არხის სამაუწყებლო ზონის დაფარვას მთელი ქვეყნის მასშტაბით, როგორც თაქთაქიშვილი აცხადებს, ამ საკითხზე მუშაობა მიმდინარეობს და წლის ბოლომდე ამ არხით სარგებლობის საშუალება საქართველოს ძირითად რეგიონებს შეეძლებათ.
მეორე არხი პოლიტიკუკრ არხად რამდენიმე თვის წინ გადაკეთდა და მაუწყებლობს იანვრის შემდეგ. ეს აქცია განხორციელდა პოლიტიკური პარტიების, საზოგადოებრივ მაუწყებელს და ენ დი აის შორის გაფორმებული "ურთიერთგაგების მემორანდუმი". აღნიშნულ მემორანდუმზე უკვე 17 პოლიტიკურ პარტიას აქვს ხელი მოწერილი.
