განძისმაძიებელმა-პენსიონერმა შოტლანდიიდან დერეკ მაკლენანმა ჩვეულებრივი მეტალოდეტექტორის მეშვეობით ვიკინგების განძი აღმოაჩინა. ინფორმაციას ამის შესახებ "ბი-ბი-სი" ავრცელებს.
100 ზე მეტი არტეფაქტი, მათ შორის გულსაბნევები, სამაჯურები და ვერცხლიჯ ჯვარი - შოტლანდიის სამხრეთ დასავლეთით მდებარე დამფისის საფრაფოში მინდორში იყო დაფლული.
ნაპოვნის ღირებულება ექვსიფრიან მაჩვენებელში ადის. ექსპერტების თქმით, ეს არის ვიკინგების ერთ ერთი ყველაზე დიდი სამალავი, რომელიც დღემდე არის ნაპოვნი.
გასულ წელს მაკლენანმა ერთი განძი უკვე იპოვა. მან შუასაუკუნეების ვერცხლის მონეტების დიდი სამალავი აღმოაჩინა.
ამჟერად აღმოჩენილ საგამთა შორის ყველაზე დიდ ინტერესს ადრექრისტიანული ეპოქის ჯვარი იწვევს, რომელიც IX-X საუკუნეებით დარიღდება. ასევე საინტერესოა კაროლინგების ეპოქოის დოქი, რომელიც ყველაზე დიდია ამ დრომდე ნაპოვნთაგან და რომელსაც თავსახურავიც კი აქვს შენარჩუნებული. ის სხვა დანარჩენ ნივთებზე გაცილებით უფრო ძველია და სავარაუდოდ, იმ მომენტისათვის, როდესაც განძი დაფლეს ანუ IX საუკუნის ბოლოს ან X საუკუნის დასაწყისისათვის დოქი უკვე დაახლოებით 100 წლის იყო.
თავად პენსიონერი ყვება, რომ იმ დღეს როდესაც მან განძი იპოვა ავად იყო, მაგრამ თავდაგასავების სურვილმა მას სძლია, ის საწოლიდან ადგა და მეტალოდეტექტორი აიღო ხელში.
მიიღო რა ნებართვა მოეძებნა მინდორში, მან ძიებაში დაახლოებით ერთი საათი გაატარა, ვიდრე რაღაც უცნაურ საგანს არ წააწყდა. თავდაპირველად მაკლენანმა იფიქრა, რომ ეს ჩვეულებრივი ვერცხლის კოვზია, მაგრამ შემდეგ მან ის გაწმინდა და მასზე ვიკინგების ორნამენტი ნახა.
უკვე შემდგომმა გათხრებმა კი მას მთლიანი განძის აღმოჩენის საშუალება მისცა. მან ასზე მეტი ოქროსა და ვერცხლის ნივთი და სამკაული იპოვა.
