ჩინეთის მთავრობის მიერ მიღებული გადაწყვეტილებით ყოველწლიურად საქართველოდან 20 სტუდენტს მიეცემა საშუალება ჩინეთის უმაღლეს სასწავლებლებში ჩინური ენასა და სხვადასხვა სპეციალობებს დაეუფლოს.

საქართველოს განათლებისა და მეცნიერების სამინისტროსა და ჩინეთის სახალხო რესპუბლიკის განათლების სამინისტროს შორის განათლების სფეროში თანამშრომლობის შესახებ ოქმს ხელი მოეწერა 2001 წლის 13 აპრილს. შედეგად ჩინეთის რესპუბლიკაში სასწავლებლად თავდაპირველად 5 სტუდენტი გაემგზავრა, თუმცა ამჟამად ჩინეთის მთავრობამ ეს კვოტა გაზარდა და ახლა ყოველწლიურად ჩინეთში სასწავლებლად გამგზავრება 20 ქართველ სტუდენტს შეეძლება.

უკანასკნელ პერიოდში საქართველო-ჩინეთის ორმხრივი პარტნიორობა მნიშვნელოვნად გაიზარდა და ორ ქვეყანას შორის დღეს საუკეთესო თანამშრომლობა არსებობს მრავალი მიმართულებით.

აღნიშნული ოქმის ხელმოწერა ხელს შეუწყობს ორ ქვეყანას შორის, როგორც განათლების სფეროში კონტაქტების გააქტიურებს, ასევე, ხალხთაშორის ურთიერთობების გაღრმავებას.