საქართველოს 30 უკრაინელი ფოტოგრაფი ეწვია. სხვადასხვა მედიასაშუალებების ფოტოგრაფებმა უკვე მოინახულეს პრომეთეს მღვიმე და რაჭაში შაორის წყალსაცავთან დაბანაკდნენ, სადაც ფოტოსესია მოეწყო. ნიკორწმინდის დათვალიერების შემდეგ ფოტოგრაფები ბარაკონსა და შოვს ეწვევიან. სხვადასხვა უკრაინული მედიასაშუალებების წარმომადგენლები რთველში მიიღებენ მონაწილეობას, გაიმართება ღვინის დეგუსტაციაც. რაჭაში მოგზაურების შემდეგ უკრაინელი სტუმრები გელათისა და ბაგრატის ტაძრებს ეწვევიან, ასევე დაათვალიერებენ სათაფლიის მღვიმეს. ფოტოტურის დასრულების შემდეგ უკრაინაში, საქართველოს შესახებ გამოფენა მოეწყობა. მსგავსი მედიატურები ხელს უწყობს საქართველოს როგორც მიმზიდველი ტურისტული მიმართულების პოპულარიზაციას და ქვეყნის რეკლამირებას. ფოტოგრაფები საქართველოში 13 ოქტომბრის ჩათვლით დარჩებიან. ფოტოტური ცნობილი ფოტოგრაფის, მარინა კაპრისა და ჯეო ტურის ორგანიზებით იმართება.
მასალის გამოყენების პირობები
