საქართველოს ყველა რაიონში წყალმომარაგების პრობლემა 2013 წლის ბოლოსთვის სრულად მოგვარდება. ამის შესახებ რეგიონალური მართვისა და ინფრასტრუქტურის მინისტრის მოადგილემ ლაშა გოცირიძემ ბათუმში საქართველოს პრეზიდენტთან წყალმომარაგების ნაციონალური პროექტის პრეზენტაციაზე განაცხადა.
"ნაციონალური პროექტის მიხედვით სასმელი წყლის მომარაგების სამუშაოები ორ ეტაპად - 2010-11 და 2012-13 წლებზეა გადანაწილებული. სამუშაო ყველა დასახლებულ პუნქტში განხორციელდება და ნაციონალური პროექტის დასრულების შემდეგ, ანუ 2013 წელს საქართველოს ყველა რაიონი წყლით შეუფერხებლად მომარაგდება", - განაცხადა გოცირიძემ.
მისივე თქმით, ამ ეტაპზე სოფლებში არსებულ წყალმომარაგების შესწავლა და დაგეგმა მიმდინარეობს.
შეგახსენებთ, რომ პრეზიდენტი მიხეილ სააკაშვილი დღეს ქუთაისში და ქობულეთში იმყოფებოდა, სადაც წყალმომარაგების პროგრამის პრეზენტაციას დაესწრო.
