გზებთან, წყალთან და საკანალიზაციო სისტემასთან დაკავშირებული პრობლემები საქართველოში საბოლოოდ 2012 წლის ბოლოს იქნება გადაწყვეტილი. შესაბამისი ანგარიში მთავრობამ პრეზიდენტ სააკაშვილს ბათუმში ჩააბარა.
"ამ მიმართულებით უკვე ჩაიდო დაახლოებით 4 მლნ ლარის ოდენობის ინვესტიცია მესტიაში, თუმცა შესაბამისი პროექტის მთლიანად განხორციელებაზე 28 მლნ ლარი იქნება დახარჯული. წელსვე დაიწყება პირველადი სამუშაო ზუგდიდი-ანაკლიის წყლისა და საკანალიზაციო ერთიანი სისტემის შექმნის მიზნით. გარდა ამისა, ერთი თვის ვადაში ვაპირებთ დარჩენილი ქსელის რეაბილიტაციის დაწყებას ფოთშიც, სადაც წელს და გაიასად 30 მლნ ლარი დაიხარჯება, რითაც ქალაქი თითქმის 24-საათიან წყალმომარაგებაზე გადავა. 2011 წლიდან 2 წლის განმავლობაში კი დამატებით კიდევ 80 მლნ ლარი იქნება დახარჯული, რაც ამ პრობლემას მთლიანად გადაწყვეტს", - განაცხადა რეგიონალური განვითარებისა და ინფრასტრუქტურის მოადგილემ ლაშა გოცირიძემ.
