ბათუმსა და ქობულეთში წყლისა და საკანალიზაციო სისტემის რეაბილიტაციის პირველი ეტაპი წლის ბოლომდე დასრულდება. ამის შესახებ საქართველოს პრემიერ-მინისტრმა ნიკოლოზ გილაურმა ანგარიში ბათუმში ვიზიტისას პრეზიდენტ სააკაშვილს ჩააბარა.
გილაურის განმარტებით, შესაბამისი პროექტების პირველ ეტაპზე სულ 300 მლნ ლარის დახარჯვა მოხდება.
მისი განმარტებით, პროექტის განხორციელების მეორე ეტაპი 2011 წელს, მესამე კი 2012 წელს დაიწყება.
"ჯამში, პროექტის სამივე ეტაპის განხორციელება მლნ ლარი დაჯდება", - განაცხადა გილაურმა, რომლის განმარტებითაც, პროექტების მეორე და მესამე ეტაპის განხორციელება აზიის განვითარების ბანკისა და ევროპის საინვესტიციო ბანკის მიერ დაფინანსდება.
"დაფინანსება მთავარი პრობლემა იყო, რომელიც, ფაქტობრივად, მოგვარებულია. აღნიშნულთან დაკავშირებით უკვე ვასრულებთ მოლაპარაკებებს აზიის განვითარებისა და ევროპის საინვესტიციო ბანკებთან. წლის ბოლომდე აზიის განვითარების ბანკიდან 500 მლნ დოლარს მივიღებთ, ევროპის საინვესტიციო ბანკიდან კი 100 მლნ-ს ველოდებით", - განმარტა გილაურმა.
