ასე გამოეხმაურა კუკავა "ალიანსი საქართველოსთვის" თანათავმჯდომარის სოზარ სუბარის წინადადებას, რომელიც მზად არის, თბილისის საკრებულოს თავმჯდომარეობიდან საკუთარი კანდიდატურა მოხსნას, თუკი ოპოზიციური პარტიები ერთიან კანდიდატზე, თუნდაც ლევან გაჩეჩილაძის ან ინგა გრიგოლიას კანდიდატურაზე შეთანხმდებიან.

"ადგილობრივი არჩევნები ქარვასლა არ არის, რომ მაჟორიტარი კანდიდატები საკრებულოს თავმჯდომარის კანდიდატურაში ან საკრებულოს თავმჯდომარეობა მერის კანდიდატურაში გაიცვალოს", - განაცხადა კუკავამ და განმარტა, რომ "ეროვნული საბჭო" "ყოველგვარი წინაპირობის გარეშე მხარს უჭერს მერობის იმ კანდიდატს, რომელიც ყველაზე რეიტინგული იქნება".

"თუ არარეიტინგული კანდიდატი ჰყავს ვინმეს და ვერ აწარმოებს საარჩევნო კამპანიას, უშანსო კანდიდატს მხარს ვერ დავუჭერთ. ირაკლი ალასანიას რეიტინგი კი იმ შემთხვევაში გამოჩნდება, თუ ის ჩვენ მიერ დაგეგმილ სოციოლოგიურ გამოკითხვაში მიიღებს მონაწილეობას", - განმარტავს კუკავა.