რუსეთის ფედერაცია უკრაინის აღმოსავლეთ ნაწილში ახალ იარაღს ცდის, რომელიც ყველა ჯავშანჟილეტს ხვრეტს. განცხადება ამის შესახებ უკრაინის შეიარაღებული ძალების შეიარაღებისა და სამხედრო ტექნიკის სამეცნიერო-კვლევითი ინსტიტუტის ხელმძღვანელმა იგორ ჩეპკოვმა გააკეთა.
"უკრაინის აღმოსავლეთიდან მიღებული სამხედრო საშუალებების ანალიზმა დაადგინა, რომ იმ ჯავშანჯილეტთა უმრავლესობა, რომლებიც ჩვენს სამხედროებს მიეწოდებოდა ამ საშუალებების მდგრადობის დონეს არ პასუხობდა. გამოკვლევამ დაადგინა, რომ არსებობს ტყვიები თითქმის ყველა კალიბრის, ამაღლებული ჯავშანგაუმტარი თვისებით, რომელიც ცეცხლსასროლი იარაღით გამოიყენება. ტყვია, რომელიც არის უტყუარი მტკიცებულება იმ იარაღიდან რომელიც უკრაინის აღმოსავლეთ ნაწილიდან იქნა ჩამოტანილი და რომელიც გამოიყენება იქ მოქმედები ბანდფორმირებების მიერ ჯავშანჟილეტს ხვრეტს",_ განაცხადა ჩეპკოვმა.
მან აღნიშნა, რომ ამ ტყვიას აქვს ინდექსი "7Н37", რომელიც თავისი ბრძოლისუნარიანობით მნიშვნელოვნად აღემატება იმ ტყვიებს, რომლებიც უკრაინის შეიარაღებული ძალების მიერ გამოიყენება.
"კვლევის შედეგად დადგინდა, რომ მას აქვს გული, რომელიც კარბიდვოლფრამის ნაერთისგან შედგება და რომელსაც ნებისნიერი ჯავშანჟილეტის გახვრეტა ძალუძს. ის ასევე ხვრეტს ჯავშანფირფიტებს, რომელთა სისქეც ჩვენი თანამედროვე ჯავშანმანქანების სისქეზე მეტია",_ აცხადებს ჩეპკოვი და აღნიშნავს, რომ აქედან გამომდინარე, რუსული მხარის მიერ გავრცელებული ინფორმაცია იმის შესახებ, რომ რუსეთის თავდაცვის სამინისტროს 20 წლის განმავლობაში საბრძოლო მასალის შეცვლა არ განუხორციელებია სინამდვილეს არ შეესაბამება.
"20 წლის განმავლობაში შეიქმნა კიდევ უფრო ძლიერი საბრძოლო მასალა - "7Н10" კალიბრისათვის 5,45х39. "7Н13" - ამაღლებული ჯავშანგაუმტარი თვისებით, ჯავშანსაწინააღმდეგო ტყვიები - "7Н22", "7Н23", "7Н24", "7Н26", "7Н37" და "7Н39". ასევე იყო პისტოლეტების ტყვიები ამაღლებული ჯავშანსაწინააღმდეგო თვისებით, რომლებიც შემუშავებულია და აყვანილია შეიარაღებაზე",_ აცხადებს ექსპერტი.
ასევე აღნიშნავია, რომ ეს საბრძოლო საშუალებები უკრაინელი სამხედროების მიერ გამოყენებადი იარაღის დონეს მნიშვნელოვნად აღემატება.
"მათ ჩვენი პირადი შემადგენლობის დამარცხება ძალუძს. ამ საშუალებების გამოყენება ასევე შეიძლება მსუბუქ ნაღმმტყორცნებში",_ აცხადებს ექსპერტი.
უკრაინის თავდაცვის მინისტრის მოადგილე ალექსანდრე დანილიუკი ასევე აცხადებს, რომ რუსეთის ფედერაციის სამხედრო მოსამსახურეები იყენებენ ექსპერიმენტალურ ტყვიებს, რომლებსაც თავისი ხასიათითა და თვისებებით მსოფლიოში ანალოგი არ აქვთ და "დღეს ფაქტიურად არც ერთი ჯავშანავტომობილი ან ჯავშანმაქანა ასეთი ტყვიებისაგან თავს ვერ დაიცავს".
"სამწუხაროა, რომ მათმა გამოყენებამ შეიძლება საერთოდ შეცვალოს მომზადებისა და დაცვის ხასიათი. იმიტომ, რომ ახლა უნდა დაფიქრდეთ იმაზე, რომ არა მხოლოდ ჯავშანჟილეტი, არამედ საერთოდ რამე სახის ჯავშანტექნიკა შეძლებს კი ასეთი ტყვიებისათვის წინააღმდეგობის გაწევას?! იმიტომ "კუგუარი" ტყვია, რომელიც შს სამინისტრომ შეისყიდა გამჭოლად ხვრიტავს ყველაფერს",_ აცხადებს ექსპერტი და აღნიშნავს, რომ დღეს გადასახედია ჯავშანტექნიკის კონცეფცია არა მხოლოდ უკრაინაში, არამედ მთელს მსოფლიოში, თან მას შემდეგ რაც ამგვარი საბრძოლო მასალის არსებობის ინფორმაცია ნატოს წევრ-ქვეყნებამდე მივიდა მათ თავიანთი თავდაცვითი შეკვეთების გადახედვა დაიწყეს.
