რუსეთის პრეზიდენტი დიმიტრი მედვედევი დაღესტანში ჩავიდა. რუსული მედიის ინფორმაციით, ჩასვლისთანავე მას რესპუბლიკაში არსებული მდგომარეობის შესახებ ანგარიში ჩააბარეს რუსეთის ფედერალური უსაფრთხოების სამსახურისა და რუსეთის შს სამინისტროს ხელმძღვანელებმა ალექსანდრე ბორტნიკოვმა და რაშიდ ნურგალიევმა.
თავად რუსეთის პრეზიდენტის პრესსამსახურის უფროსის ნატალია ტიმაკოვას ინფორმაციით, მედვედევი მახაჩკალაში ჩრდილო კავკასიის ფედერალური ოლქის ტერიტორიული დანაყოფების ძალოვანი უწყებების ხელმძღვანელებთან საგანგებო თათბირს გამართავს.
