პეტრო პოროშენკოს პარტიის ბლოკის ხელმძღვანელი იური ლუცენკო მიიჩნევს, რომ რუსეთის პრეზიდენტი ვლადიმერ პუტინი უკრაინაში სიტუაციის დესტაბილიზების ახალ ეტაპზე გადადის. ეს განცხადება ლუცენკომ უკრაინულ მედიასთან საუბარში გააკეთა.
"პუტინი არ დაწყნარდება. ის ომის ფორმას შეცვლის. მისი შემდგომი გეგმა სავაჭრო -ეკონომიკური ომია, რომელიც კიევში ბინტით უნდა დასრულდეს. სქემა ზალიან ჰყავს მოვლენებს თებერვლისა და ოქრომბრის რევოლუციებს შორის",_ განაცხადა მან და ხაზგასმით აღნიშნა, რომ ვლადიმერ პუტინის გეგმისათვის წინააღმდეგობის გაწევა უკრაინას შეუძლია მხოლოდ მაშინ თუ ის აუცილებელ რეფორმებს უმოკლეს ვადაში განახორციელებს.
"არ შეიძლება არაფრის გადადება ომის მომიზეზებით. პირიქით, ამ მდგომარეობაში ჩვენ მოვალენი ვართ ყველაფერი ეს უსწრაფესად და რადიკალურად გავატაროთ. ჩვენ ქართული რეფორმები უნდა განვახორციელოთ არა ოთხი წლის განმავლობაში როგორც ეს მიხეილ სააკაშვილმა გააკეთა, არამედ ოთხი თვის განმავლობაში",_ განაცხადა ლუცენკომ.
