ვიცე-პრემიერი კახა კალაძე მიიჩნევს, რომ დავოსის ეკონიმიკურ ფორუმზე, პრემიერ-მინისტრი ირაკლი ღარიბაშვილი უნდა წავიდეს. როგორც მთავრობის სხდომის შემდეგ კალაძემ ჟურნალისტებთან განაცხადა პრემიერი არის მთავრობის და ის საკითხები, რომელიც დავოსში იქნება განხილული, მნიშვნელოვანია ღარიბაშვილის იქ ყოფნა.
,, ეს თემა არ არის აქტუალური, თუ ვინ უნდა წავიდეს დავოსში. ვფიქრობ, დავოსის ეკონომიკურ ფორუმზე უნდა წავიდეს პრემიერ-მინისტრი. თქვენ იცით, რომ მთავრობის მეთაური გახლავთ პრემიერ-მინისტრი და ის საკითხები, რომელიც დავოსში იქნება განხილული, ძალიან მნიშვნელოვანია პრემიერის იქ ყოფნა. ვფიქრობ, ქვეყანაში სხვა უფრო აქტუალური საკითხებია, თუნდაც ის რომ რთველი დასასრულს უახლოვდება და მოსახლეობა კმაყოფილია", _განაცახდა კალაძემ.
შეგახსენებტ, რომ გუშინ საქართველოს პრეზიდენტმა გიორგი მარგველაშვილმა დავოსის მსოფლიო ეკონომიკურ ფორუმზე მიწვევა, მსოფლიო ეკონომიკური ფორუმის თავმჯდომარის, პროფესორ კლაუს შვაბისგან მიიღო.თუმცა საგარეო საქმეთა მინისტრის მაია ფანჯიკიძის განცხადებით, პრემიერ-მინისტრმა ირაკლი ღარიბაშვილმა დავოსის მსოფლიო ეკონომიკურ ფორუმზე მიწვევა 14 მაისს მიიღო და მისი მონაწილეობა უკვე დადასტურებულია. ამის შესახებ ფანჯიკიძემ ჟურნალისტებს მთავრობის სხდომის დაწყებამდე განუცხადა.
