დღეს, 29 სექტემბერს პრეზიდენტი გიორგი მარგველაშვილი თურქეთის რესპუბლიკაში მიმდინარე ეკონომიკურ ფორუმზე მოხსენებით "ევროკავშირი, სამეზობლო და მის ფარგლებს მიღმა" წარსდგება.

ტრადიციული მსოფლიო ეკონომიკური ფორუმი ყოველწლიურად იმართება და მასში მონაწილეობას იღებენ როგორც სახელმწიფოთა ლიდერები და პოლიტოლოგები, ისე საერთაშორისო ორგანიზაციებისა და ბიზნესწრეების წარმომადგენლები. ფორუმის მონაწილეები ერთმანეთს გაუზიარებენ გამოცდილებას არა მარტო ეკონომიკის მნიშვნელოვანი საკითხების შესახებ, არამედ მსოფლიოში მიმდინარე პროცესების , მათ შორის, რეგიონში განვითარებული მოვლენების თაობაზე. ფორუმის მიზანია ეკონომიკის გრძელვადიანი ზრდის ახალი წყაროებისა და აუთვისებელი რესურსების აღმოჩენა როგორც სახელმწიფო, ისე რეგიონალური მასშტაბით, რაც, თავის მხრივ, კონკურენტუნარიანობის გაზრდას შეუწყობს ხელს.