პროკურატურის თანამშრომლებმა და მცხეთის რაიონის სოფელ ქსოვრისის საჯარო სკოლის მოსწავლეებმა სკოლის ეზოსა და მის მიმდებარე ტერიტორიაზე 150-ზე მეტი მწვანე ნერგი დარგეს. აქციაში დევიზით _ `ჯანსაღი გარემო, ჯანსაღი ცხოვრება!~ ასამდე ბავშვმა მიიღო მონაწილეობა.
გამწვანების აქცია პროექტ `საზოგადოებრივი პროკურატურის~ ფარგლებში მოეწყო. პროექტის მიზანია არასრულწლოვნებს შორის დანაშაულის პრევენცია, პროკურორებისა და მოზარდების მჭიდრო კონტაქტი _ `საზოგადოებრივი პროკურატურის~ პროექტში ჩართული პროკურორები საჯარო სკოლებში ატარებენ ლექციებს სამართლებრივ თემებზე, იმართება კონკურსები, სპორტული შეჯიბრებები, დისკუსიები უშუალოდ მოსწავლეთა მონაწილეობით.
პროექტი `საზოგადოებრივი პროკურატურა~, რომელიც საქართველოში 2006 წლიდან ხორციელდება, მიზნად ისახავს პროკურატურის, როგორც დანაშაულის აღკვეთისა და პრევენციის განმახორციელებელი სამართალდამცველი ორგანოს მუშაობის ეფექტურობის უზრუნველყოფას, მისი გამჭვირვალობის გაზრდას, სამართალდამცველი ორგანოების მიმართ საზოგადოების ნდობის ამაღლებას.
