3 სექტემბერს, საქართველოს ეროვნული ბანკის პრეზიდენტი გიორგი ქადაგიძე საქართველოს ოფიციალური დელეგაციის ლონდონში ვიზიტის ფარგლებში ევროპის რეკონსტრუქციისა და განვითარების ბანკის პრეზიდენტს სერ სუმა ჩაკრაბარტის შეხვდება.
შეხვედრაზე მხარეები საქართველოს საფინანსო სექტორში არსებულ მდგომარეობას განიხილავენ. საუბარი იქნება იმ პროექტების შესახებ, რომლებიც ევროპის რეკონსტრუქციისა და განვითარების ბანკის დაფინანსებით საქართველოში ხორციელდება.
სერ სუმა ჩაკრაბარტისთან შეხვედრაზე განსაკუთრებული ყურადღება დაეთმობა EBRD-ის 2015 წლის ყოველწლიური შეხვედრის საქართველოში გამართვის მნიშვნელობის შესახებ მსჯელობას.
