მსოფლიო ავიაკომპანიებმა 2013 წელს 3,129 მლრდ მგზავრი გადაიყვანეს, რაც 2012 წლის მონაცემებთან შედარებით 5,1 %-ითაა გაზრდილი. მგზავრთ გადაყვანაზე ინფორმაციას საჰაერო ტრანსპორტის საერთაშორისო ორგანიზაცია (IATA) ავრცელებს.
IATA-ს ინფორმაციით, გასულ წელს მგზავრთნაკადის ზრდა შეინიშნებოდა აზია-წყნარი ოკეანის რეგიონში, სადაც 2013 წელს ავიაკომპანიების მიერ გადაყვანილი მგზავრების რაოდენობა 9,3 %-ითაა გაზრდილი. რეგიონში 2013 წელს საჰაერო ტრანსპორტით სულ 1,012 მლრდ მგზავრმა ისარგებლა.
2013 წელს, ახლო აღმოსავლეთში კი მგზავრთნაკადი 8,8% -ით გაიზარდა. სტატისტიკური ინფორმაციის მიხედვით, 2013 წელს ახლო აღმოსავლეთის რეგიონში ავიაკომპანიების მომსახურებით 157,9 მლნ მგზავრმა ისარგებლა.
რაც შეეხევა ლათინური ამერიკის ქვეყნებს, 2013 წელს ის მგზავრთნაკადი 7,9%-ით გაიზარდა. აფრიკაში კი 5,6%-იანი მგზავრთნაკადის ზრდაა დაფიქსირებული.
სამაგიეროდ საკმაოდ ნელი ტემპით იზრდება მგზავრთნაკადი ევროპასა და სამხრეთ ამერიკაში. 2013 ევროპაში ავიაკომპანიების მომსახურებით 825,9 მლნ მგზავრმა ისარგებლა, შესაბამისად ზრდამ 3,4 %-ი შეადგინა. რაც შეეხება აშშ-სა და კანადას, ამ ქვეყნებში ავიაკომპანიების მომსახურებით 2013 წელს 0,7 %-ით მეტმა მგზავრმა ისარგებლა.
