2013 წლის 1-ელ იანვრამდე სალარო-აპარატის გამოყენების წესების დარღვევისთვის დარიცხული ჯარიმა ჩამოიწერება, - ამის შესახებ ფინანსთა მინისტრმა ნოდარ ხადურმა მთავრობის სხდომის დასრულების შემდეგ ჟურნალისტებს განუცხადა. მისი თქმით, სამინისტრომ მოამზადა ცვლილებების მორიგი პაკეტი საგადასახადო კოდექსში, რომელიც ითვალისწინებს ბიზნესის ხელშეწყობისა და სტიმულირებისთვის მნიშვნელოვან მექანიზმებს.
"განსაკუთრებით მნიშვნელოვანია, რომ მომზადებული ცვლილებების მიხედვით, ჩამოიწერება საკონტროლო სალარო-აპარატის გამოყენების წესების დარღვევისთვის ფიზიკური პირისათვის 2013 წლის 1 იანვრამდე დაკისრებული დარიცხული და გადაუხდელი ჯარიმა, რაც მნიშვნელოვანი შეღავათი იქნება ჩვენი მეწარმეებისთვის, განსაკუთრებით მათთვის, ვისთვისაც წინა წლებში დაკისრებული ჯარიმები მძიმე ტვირთად აწვებოდათ", - განაცხადა ფინანსთა მინისტრმა.
მასალის გამოყენების პირობები
