1 აგვისტო; საპარტნიორო ფონდისა და მისი კონსულტანტის, შვეიცარიული კომპანია Kohl & Partner-ის ორგანიზებით ქალაქ წყალტუბოში საკურორტო ზონის განვითარების შესაძლებლობებზე სამუშაო შეხვედრა გაიმართება. შეხვედრაში მონაწილეობას მიიღებენ საპარტნიორო ფონდის, მსოფლიო ბანკის, მუნიციპალური განვითარების ფონდის, ტურიზმის ეროვნული ადმინისტრაციის და ადგილობრივი ტურიზმის ასოციაციის წარმომადგენლები, ურბანისტიკის, გარემოს დაცვის სპეციალისტები, არქიტექტორები და ევროპული სპა კურორტების წარმომადგენლები.
საპარტნიორო ფონდმა წყალტუბოს კურორტის განვითარების კონცეფციაზე მუშაობა მაისის თვეში დაიწყო, კურორტის შესაძლებლობების შესასწავლად კი Kohl & Partner დაიქირავა.
სამუშაო შეხვედრაზე Kohl & Partner-ის წარმომადგენლები წყალტუბოს სპა კურორტის განვითარების შესაძლო მოდელებზე ისაუბრებენ.
