4-5 სექტემბერს, ბათუმში, სასტუმრო „შერატონში", საერთაშორისო საინვესტიციო ფორუმი "Invest in Batumi 2014"-ი გაიმართება.
ფორუმის მიზანია დაინტერესებული ჯგუფებისთვის აჭარის საინვესტიციო პოტენციალის გაცნობა და მათი დაინტერესება რეგიონში არსებული საინვესტიციო და საპრივატიზაციო პროექტებით.
ფორუმის ფარგლებში დაგეგმილია სხვადასხვა ბიზნეს ასოციაციების, სამრეწველო, სავაჭრო პალატებისა და ბიზნეს კომპანიების მოწვევა მსოფლიოს სხვადასხვა ქვეყნიდან, რომლებსაც პრეზენტაციებს საქართველოს საინვესტიციო სააგენტოს, აჭარის ფინანსთა და ეკონომიკის სამინისტროსა და აჭარაში ბიზნესის სხვადასახვა სფეროში მოღვაწე კომპანიების წარმომადგენლები ჩაუტარებენ.
როგორც აჭარის ფინანსთა და ეკონომიკის სამინისტროში აცხადებენ, პროგრამის ფარგლებში, სულ 10-მდე პრეზენტაცია ჩატარდება. აღნიშნული პრეზენტაციები დამსწრე საზოგადოებას ნათელ წარმოდგენას შეუქმნის აჭარის საინვესტიციო პოტენციალზე და აჭარის, როგორც ინვესტირებისთვის საუკეთესო დანიშნულების ადგილზე.
