საქართველოს ტურიზმის ეროვნული ადმინისტრაციის ხელმძღვანელმა გიორგი სიგუამ მარტვილში ტურისტული საინფორმაციო ცენტრი გახსნა. ცენტრის მონაცემთა ბაზა სხვადასხვა სახის ტურისტული ობიექტების, განთავსებისა და კვების ობიექტების, მუზეუმების, გალერეების შესახებ დეტალურ ინფორმაციას მოიცავს. მარტვილის საინფორმაციო ცენტრი ტურისტული ბროშურებით და რუკებით არის აღჭურვილი და ტურისტებს უფასოდ ემსახურება. საქართველოს მასშტაბით ტურიზმის 21 საინფორმაციო ცენტრი ფუნქცონირებს. საინფორმაციო ცენტრთან ერთად ტურიზმის ეროვნული ადმინისტრაციის ხელმძღვანელმა, გიორგი სიგუამ მარტვილის მუზეუმი დაათვალიერა, რომელიც საინფორმაციო ცენტრთან ერთად მდებარეობს და რეაბილიტაცია ცოტახნისწინ ჩაუტარდა. მუზეუმში 50 ათასზე მეტი ექსპონანტია დაცული.
