"ბატონ ბიძინას 1 ლარის შემცირებაზე ნამდვილად არ უსაუბრია. თუ გაქვთ ეს ინფორმაცია, მოგვაწოდეთ. გუნდის წევრებს არასდროს გაუჟღერებიათ, რომ ბენზინი 1 ლარით უნდა შემცირდეს ან ელექტროენერგია უნდა განახევრდეს", - განაცხადა ენერგეტიკის მინისტრმა კახა კალაძემ.
ვიცე პრემიერის განცხადებით, ხელისუფლების ცვლილების შემდეგ 4 თეთრით სემცირდა ელექტროენერგიის ღირებულება.
"ჩვენ მოვახერხეთ 4 თეთრით შემცირება ელექტროენერგიის საფასურის. ვფიქრობ, ეს იყო წინგადადგმული ნაბიჯი. გაიზრდება თუ არა ფასი ელექტროენერგიაზე მომდევნო 4 წლის განმავლობაში, ამაზე მუშაობს მარეგულირებელი კომისია. თქვენ თქვით, რომ ჩემმა მოადგილემ გააკეთა განცხადება, თითქოს უმნიშვნელო ზრდა დაფიქსირდებოდა. მან განცხადება გააკეთა იმასთან დაკავშირებით, რომ ფასების უმნიშვნელო ზრდა არ იქნება. ტარიფი შედგება სხვადასხვა კომპონენტისგან. აქ არის გენერაცია, გადაცემა და დისტრიბუცია. შეიძლება რომელიმე კომპონენტში გაიზარდოს ფასი, მაგრამ ეს არ ნიშნავს იმას, რომ სამომხმარებლო ტარიფი აბონენტებისთვის გაძვირდება. 15 აგვისტოსთვის იგეგმება შეხვედრები ექსპერტებთან და იქნება საუბარი თუ რამდენი იქნება ტარიფი მომხმარებლისთვის. მაგრამ, პირველადი ინფორმაციით, ტარიფის გაზრდა არ იგეგმება", - განაცხადა კალაძემ და დასძინა, რომ
რაც შეეხება საწვავის ფასის გაზრდას ამას , საერთაშორისო ბაზრის ფასები განაპირობებს.
"ვერც ერთ შემთხვევას ვერ დაასახელებთ, სადაც ვსაუბრობდი საწვავის 1 ლარით შემცირებასთან დაკავშირებით. რაც შეეხება ფასების შემცირებას, 1-ელი ოქტომბრის შემდეგ აშკარად ირკვევა, რომ ფასების ტენდენციური ზრდა არის შეჩერებული", - განაცხადა კალაძემ