საქართველოს ტურიზმის ეროვნული ადმინისტრაციის ხელმძღვანელმა გიორგი სიგუამ სამეგრელოში კიდევ ერთი საინფორმაციო ცენტრი გახსნა. ცენტრი ჩხოროწყუს გარდა ზუგდიდშიც ამოქმედდება. ცენტრის მონაცემთა ბაზა სხვადასხვა სახის ტურისტული ობიექტების, განთავსებისა და კვების ობიექტების, მუზეუმების, გალერეების შესახებ დეტალურ ინფორმაციას მოიცავს. ზუგდიდის საინფორმაციო ცენტრში მისულ ტურისტებს საშუალება ეძლევათ საქართველოს მასშტაბით არსებული ტურისტული ადგილების და ღირსშესანიშნაობების შესახებ ამომწურავი ინფორმაცია მიიღონ რაც მათ კონკრეტული ტურების დაგეგმვაში დაეხმარება. ზუგდიდის საინფორმაციო ცენტრი ტურისტული ბროშურებით და რუკებით არის აღჭურვილი და ტურისტებს უფასოდ ემსახურება. საქართველოს მასშტაბით ტურიზმის 21 საინფორმაციო ცენტრი ფუნქცონირებს.
