გასული დღეღამის განმავლობაში ანტიტერორისტული ოპერაციის ფარგლებში დაღუპულია 4 უკრაინელი სამხედრო. განცხადება ამის შესახებ უკრაინის თავდაცვისა და უშიშროების საბჭოს საინფორმაციო ცენტრის წარმომადგენელმა ანდრეი ლისენკომ გააკეთა.
„გასული დღეღამის განმავლობაში ლისიჩანსკის გათავისუფლებისთვის ბრძოლაში დაღუპულია 4 უკრაინელი სამხედრო. დაღუპულთა შორის არის ნაციონალური გვარდიის სამხედრო ნაწილის მეთაური პოლკოვნიკი ალექსანდრე რადოიევსკი. ეს იყო მამაცი და კარგად გაწვრთნილი მეთაური, რომელიც 2,5 თვის განმავლობაში ანტიტერორისტული ოპერაციის ზონაში იმყოფებოდა",_ განაცხადა ლისენკომ.
მასალის გამოყენების პირობები
