იანვარ-ივნისში, საქართველოს საგარეო სავაჭრო ბრუნვამ ევროკავშირის ქვეყნებთან 1408 მლნ. აშშ დოლარი შეადგინა, რაც „საქსტატის" ინფორმაციით, წინა წლის შესაბამის მაჩვენებელზე 15 პროცენტით მეტია.
როგორც სტატისტიკის ეროვნულ სამსახურში განმარტავენ, აღნიშნული მაჩვენებლიდან ექსპორტმა 296 მლნ. აშშ დოლარი შეადგინა(41 პროცენტით მეტი), ხოლო იმპორტიმა კი 1113 მლნ. აშშ დოლარი (9 პროცენტით მეტი).
საქართველოს საგარეო სავაჭრო ბრუნვაში ამ ქვეყნების წილმა 26 პროცენტი შეადგინა, მათ შორის ექსპორტში 21 პროცენტი და იმპორტში 28 პროცენტი. (2013 წლის იანვარ-ივნისში შესაბამისად 26, 17 და 29 პროცენტი). ევროკავშირის ქვეყნებზე მოდიოდა სავაჭრო დეფიციტის 31 პროცენტი (2013 წლის იანვარ-ივნისში 36 პროცენტი).
შეგახსენებთ, რომ 2014 წლის იანვარ-ივნისში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 5448 მლნ. აშშ დოლარი შეადგინა, რაც წინა წლის იანვარ-ივნისის მაჩვენებელზე 16 პროცენტით მეტია.