გერმანიაში, ქ. ბერლინში საქართველოს სახელმწიფოს კუთვნილი 485 კვ/მ ფართი, საქართველოს კუთვნილებას უკვე აღარ წარმოადგენს.
საქართველოს მთავრობის № 1182 განკარგულების მიხედვით, ქონება პირდაპირი მიყიდვის ფორმით, 254 ათას ევროდ ფიზიკურ პირს, მანუელა პანსეს გადაეცა. განკარგულებაში აღნიშნულია, რომ „სახელმწიფო ქონების შესახებ" საქართველოს კანონის შესაბამისად, სახელმწიფო საკუთრებაში არსებული, გერმანიის ფედერაციულ რესპუბლიკაში, ქ. ბერლინში, როზენტჰალში, ანტონ-ვებერნის ქუჩა #6-ში მდებარე შენობა და თავისუფალი ნაკვეთი, საერთო ფართით - 485 კვ/მ და ასევე მოძრავი ქონება, პირდაპირი მიყიდვის ფორმით, 254 000 ევროდ, საკუთრებაში გადაეცეს ფიზიკურ პირს, მანუელა პანსეს.
მანუელა პანსემ საპრივატიზებო თანხის გადახდა, ხელშეკრულების სანოტარო წესით გაფორმებიდან, 30 დღეში უნდა მოახდინოს.
