კახეთში „სამყურისწყალი 2"-ის ჰიდროელექტროსადგურს კომაპნია „ფერი" ააშენებს. როგორც მთავრობის №1190 განკარგულებაშია აღნიშნული, „საქართველოს მთავრობის 2013 წლის 21 აგვისტოს №214 დადგენილებით დამტკიცებული „საქართველოში ელექტროსადგურების მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვის წესის" მე-6 მუხლის შესაბამისად, კახეთის რეგიონში „სამყურისწყალი 2" ჰიდროელექტროსადგურის მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვაში გამარჯვებულად გამოვლინდეს კომპანია შპს „ფერი".
განკარგულებაში ასევე აღნიშნულია, რომ საქართველოს ენერგეტიკის სამინისტრომ უნდა უზრუნველყოს ინტერესთა გამოხატვაში გამარჯვებულ პირთან გასაფორმებელი ურთიერთგაგების მემორანდუმის პროექტის საქართველოს მთავრობის სხდომაზე განსახილველად წარდგენა.
მასალის გამოყენების პირობები
