ამის თაობაზე, პრესრელიზი დუბაიში ბაზირებულმა ჩარტერულმა და თვითმფრინავების ლიზინგისა და მენეჯმნეტის საკითხების პროვაიდერი კომპანიამ Aerovista-მ გაავრცელა. Aerovista-ს კომერციულმა დირექტორმა დიმიტრი კორშუნოვმა განაცხადა, რომ მათთან აფილირებული Vista Georgia, B737-300-ით თბილისიდან განახორციელებს ფრენებს.

Vista Georgia-ს, ოფიციალურ საიტზე თავის შესახებ უწერია, რომ ლოუქოსტ ავიაკომპანიაა და 2014 წლის ზაფხულიდან თბილისიდან მეზობელ ქვეყნებში იფრენს. საიტზე მითითებულია, რომ მომხმარებელი უნდა დაელოდოს თეირანის, კიევის, მოსკოვის და ალმა-ათის მიმართულებებით რეისების დანიშვნას. თუმცა ამ ეტაპზე, Vista Georgia-ს საიტიდან ბილეთების დაჯავშნა შეუძლებელია, რადგან საიტზე მითითებულია, რომ ეს ფუნქცია შემუშავების პროცესშია.

საქართველოს სამოქალქო ავიაციის ადმინისტრაციის საიტზე კი დევს მაისის თვით დათარიღებული 2 განცხადება. ერთის მიხედვით, Vista Georgia-მ სააგენტოს თბილისი-მინსკი-თბილისის რეისზე რეგულარულ გადამზიდავად დანიშვნის განცხადებით მიმართა, ხოლო მეორე განცხადებით - თბილისი-თელ-ავივი-თბილისის მიმართულებაზე.

საქართველოს საჯარო რეესტრის მონაცემებით კი შპს „ვისტა ჯორჯიას" 49%-იანი წილის მფლობელი რუსეთის მოქალაქე ანჟელიკა ლახიიალოვაა, ხოლო 51%-ის - ანა საფაროვა. შპს -ს დაარსების მომენტში, 2010 წელს კი მისი 100%-იანი მფლობელი ლალი ბოლქვაძე იყო.