საშუალოვადიან პერიოდში მოსალოდნელია რეალური მთლიანი შიდა პროდუქტის ზრდა 5,0- 5,5 % -ის ფარგლებში. საქართველოს ნომინალური მთლიანი შიდა პროდუქტი 2013 წელს არსებული 26,8 მლრდ ლარიდან 2018 წლისთვის 42,0 მლრდ ლარამდე გაიზრდება. ფინანსთა მინისტრის ნოდარ ხადურის განცხადებით, პროგნოზირებულთან შედარებით ეკონომიკური ზრდის დაბალი მაჩვენებელი რამდენიმე ძირითადი მიზეზით იყო გამოწვეული.
"2013 წლის ბიუჯეტში დაგეგმილი პარამეტრებიდან გამომდინარე შესრულება ნაკლები იყო, რომელსაც თავისი ობიექტური მიზეზები ჰქონდა. ყველაფერი დაკავშირებული იყო პოლიტიკურ არასტაბილურობასთან, მეზობელ ქვეყნებში ეკონომიკის არასასურველ დინამიკასთან, რაც თავისთავად აისახა შიდაპროდუქტის ზრდის მაჩვენებელზე. ასევე გასულ წელს მოხდა მსხვილი ინფრასტრუქტურული პროექტების გადახედვა. ამან ყველაფერმა იმოქმედა ბიუჯეტის შესრულებაზე".- განაცხადა ნოდარ ხადურმა.
