ელექტრონიკის ბაზარის წვრილმა მოთამაშეებმა „ბოშის" პროდუქციის რეალიზაცია დაიწყეს, ეს იმ ფონზე, როდესაც საქართველოში „ბოშის" პროდუქციის ერთადერთი და ექსკლუზიური ოფიციალური წარმომადგენელი „ელიტ ელექტრონიქსია". შესაბამისად საქართველოში „ბოშის" პროდუქციის იმპორტის უფლება მხოლოდ მას აქვს.
„უკვე 18 წელია რაც ს.ს. "ელიტ ელექტრონიქსი" წარმოადგენს "ბოშისა" და "სიმენსის" ბრენდების (B/S/H) საყოფაცხოვრებო ტექნიკის ერთადერთ და ექსკლუზიურ ოფიციალურ წარმომადგენლობას საქართველოში. აქედან გამომდინარე მხოლოდ "ელიტ ელექტრონიქსში" შეგიძლიათ შეიძინოთ "ბოშისა" და "სიმენსის" ბრენდის ოფიციალური საყოფაცხოვრებო ტექნიკა, ისარგებლოთ სრული საგარანტიო პირობებითა და მომსახურებით"- განმარტავენ „ელიტ ელექტრონიქსში".
თუმცა უნდა აღინიშნოს ისიც, რომ ნებისმიერი ქვეყნის ბაზარზე ხშირია ფალსიფიცირებული ტექნიკის შეტანისა და რეალიზაციის ფაქტები, რაც როგორც საერთაშორისო ასევე საქართველოს კანონმდებლობით დასჯადი ქმედებაა. მსოფლიოში მსხვილი კომპანიები ფალსიფიკაციის წინააღმდეგ აქტიურად იბრძვიან, თუმცა პრობლემის სრულყოფილი გადაწყვეტა დღემდე არ არსებობს.
