„ვითიბი ბანკი" აგრძელებს საქართველოს ტანვარჯიშის სახეობათა ეროვნული ფედერაციის მხარდაჭერას და მისი სპონსორობით 18 და 19 ივლისს ქალაქ ბათუმში გაიმართება რუსუდან სიხარულიძის სახელობის საერთაშორისო ტურნირი სპორტულ ტანვარჯიშში. ასეთი რანგის ტურნირი სპორტის ამ სახეობაში საქართველოში პირველად ტარდება. მასში მონაწილეობას იღებს 60 სპორტსმენი, 10 ქვეყნიდან. მსაჯთა კოლეგიაში წარმოდგენილი არიან ოლიმპიური და მსოფლიო ჩემპიონები.
ვითიბი ბანკი 2012 წლიდან საქართველოს ტანვაჯიშის სახეობათა ფედერაციის გენერალური სპონსორია. ვითიბი ბანკის სასპონსორო ხელშეკრულებით გათვალისწინებული დაფინანსება, ხელს უწყობს მოზარდებისა და სპორტსმენების სპორტულ განვითარებას და 2015 წლის ევროპის ოლიმპიური ფესტივალისთვის მომზადებას.
