ფინანსთა მინისტრი ნოდარ ხადური ევროკავშირთან ასოცირების ხელშეკრულების ხელმოწერას ეხმიანება და აცხადებს, რომ ასოცირების ხელშეკრულების ხელმოწერით შეიქმნება წინაპირობები ინვესტიციების გაზრდისთვის, რაც ქვეყნის აღმავლობის ერთ-ერთი საწინდარი იქნება
„მინდა მივულოცო საქართველოს ეს ისტორიული თარიღი. ეს მნიშვნელოვანი დღეა როგორც პოლიტიკურად, რადგან ხელი მოეწერა ევროკავშირთან ასოცირების ხელშეკრულებას, ასევე ეკონომიკური თვალსაზრისით. როგორც ცნობილია, ასოცირების ხელშეკრულების ნაწილია ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DC FTA) რომელიც ბევრ სიკეთეს ითვალისწინებს ქართული ბიზნესისთვის. საქართველო გახდება ევროპული ოჯახის წევრი და ერთობლივი ძალისხმევით, რაც შეიძლება სწრაფად, დადგენილი სტანდარტების შესაბამისად ჩვენი პროდუქციისთვის გაიხსნება ევროპული ბაზარი, შეიქმნება წინაპირობები ინვესტიციების გაზრდისთვის, რაც ქვეყნის აღმავლობის ერთ-ერთი საწინდარი იქნება", _განაცხადა ხადურმა.
შეგახსენებთ, რომ ღეს, 27 ივნისს საქართველო ევროკავშირთან ასოცირების ხელშეკრულებას ხელს მოაწერს.
ხელშეკრულებას ევროკავშირის მხრიდან ხელს ევროკავშირის ხელმძღვანელობა, ევროკომისიის პრეზიდენტი ჟოზე მანუელ ბაროზო და ევროკავშირის საბჭოს პრეზიდენტი ჰერმან ვან რომპეი მოაწერენ.
საქართველოს მხრიდან კი პრემიერ-მინისტრი ირაკლი ღარიბაშვილი.
