გერმანიის კანცლერმა ანგელა მერკელმა მიანიშნა უკრაინას, რომ რუსეთთან მეგობრობის გარეშე კარგი ურთიერთობების მოლოდინი ევროკავშირთან მას არ უნდა ჰქონდეს. განცხადება ამის შესახებ მან დიპლომატიური კორპუსის ტრადიციულ მიღებაზე განაცხადა. ინფორმაციას ამის შესახებ „დოიჩე ველე" ავრცელებს.
მერკელმა აღნიშნა, რომ ევროპა რუსეთთან დიალოგს ემხრობა. მისივე თქმით, „აღმოსავლეთ პარტნიორების" პროგრამა ისეთ ქვეყნებთან როგორებიც არიან უკრაინა, მოლდოვა და საქართველო რუსეთის წინააღმდეგ მიმართული არ არის.
„ევროკავშირთან კარგი ურთიერთობები რუსეთთან კარგ ურთიერთობებს გულისმობს",_ განაცხადა კანცლერმა.
მან ასევე აღნიშნა, რომ უკრაინისათის რეფორმებისათვის აუცილებელია ცეცხლის შეწყვეტა.
„ჩვენ ყველას გვინდა, რომ იქ სროლა შეწყდეს. მხოლოდ ამის შემდეგ შეძლებს უკრაინის ახალი პრეზიდენტი რეფორმების გატარებაზე ორიენტირებას",_ განაცხადა მერკელმა.
