ევროსაბჭოს საპარლამენტო ასამბლეის მონიტორინგის კომიტეტის წევრი მათიას იორში პოლიტიკიდან მიდის.
ამის შესახებ მან თბილისიდან გამგზავრებისას განაცხადა და ქართველ ჟურნალისტებს დაემშვიდობა.
თბილისის საერთაშორისო აეროპორტში გაკეთებულ კომენტარში იორშმა საქართველოში ვიზიტის შედეგები შეაჯამა და აღნიშნა, რომ ქვეყნის ხელისუფლებას სრულად აქვს გაცნობიერებული რა უნდა გაკეთდეს.
"საქართველოში ვიზიტისას დავრწმუნდით, რომ ქვეყნის ლიდერებს სრულიად აქვთ გაცნობიერებული, რა უნდა გაკეთდეს. მე მჯერა, რომ საქართველოს ყველანაირი პოტენციალი აქვს გახდეს დემოკრატიული ქვეყანა, თუმცა ეს უკვე მისი ხელისუფლებისა და ქართველი ხალხის გადასაწყვეტია. დარწმუნებული ვარ, მომავალი არჩევნები ყველა ადრინდელზე უკეთ ჩატარდება. ევროსაბჭო კი, გააგრძელებს საქართველოს მხარდაჭერას", - განუცხადა იორშმა ქართველ ჟურნალისტებს.
იორში თბილისში ორი დღის წინ ჩამოვიდა და კომიტეტის კიდევ ერთ წარმომადგენელ, კასტრიო ისლამთან ერთად საქართველოში რიგი შეხვედრა გამართა.