სეპარატისტული აფხაზეთის ე. წ. პრემიერ-მინისტრი სერგეი შამბა აცხადებს, რომ აფხაზეთის "ხელისუფლება" დაინტერესებულია სხვადასხვა საერთაშორისო ჰუმანიტარული ორგანიზაციის საქმიანობით აფხაზეთის ტერიტორიაზე _ მხოლოდ აფხაზეთის დამოუკიდებლობის აღიარების პირობით. ეს განცხადება შამბამ დღეს სოხუმში გამართულ პრესკონფერენციაზე გააკეთა.
"ამ პრობლემის მოგვარება ძნელად მიიწევს წინ. აფხაზეთი მომხრეა მის ტერიტორიაზე საერთაშორისო ჰუმანიტარული ორგანიზაციების საქმიანობისა, მაგრამ გვინდა, რომ მათ გააკეთონ ნაბიჯი რეალობის მიმართულებით და მოვითხოვთ ამას დაჟინებით ", _ განაცხადა შამბამ.
