ევროსაბჭოს საპარლამენტო ასამბლეის მონიტორინგის კომიტეტის წევრი მათიას ეორში ლტოლვილთა და განსახლების მინისტრს კობა სუბელიანს შეხვდა. შეხვედრა დევნილების საკითხს და მათი საცხოვრებელი პირობების გაუმჯობესებას შეეხო.
"ძირითადად აფხაზეთიდან და სამაჩაბლოდან დევნილი ოჯახების საყოფაცხოვრებო პირობების გაუმჯობესებაზე ვისაუბრეთ. ორივე მხრიდან საუბარი იყო, რომ დევნილებს უფლება აქვთ, დაბრუნებამდე ნორმალურ, ღისრესულ პირობებში იცხოვრონ. თუმცა, ეს ნამდვილად არ ნიშნავს, რომ ისინი დაბრუნებაზე უარს იტყვიან. მათი უფლებაა, სახლ-კარს დაუბრუნდნენ. ჩვენ კი, სანამ ეს ბედნიერი დღე დადგება, მათ სარიაბილიტაციო სამუშაოების ჩატარებასა და საცხოვრებელი პირობების გაუმჯობესებაში ვეხმარებით. რაც 17 წლის მანძილზე არ გაკეთებულა ახლა კეთდება" - აღნიშნა ლტოლვილთა და განსახლების მინისტრმა კობა სუბელიანმა.
ევროსაბჭოს საპარლამენტო ასამბლეის მონიტორინგის კომიტეტის წევრმა მათიას ეორშიმ აღნიშნა, რომ დევნილ მოსახლეობას ხელიოსუფლება საკმაოდ დიდ ყურადღებას უთმიობს: "შეხვედრაზე 2 ძირითადი საკითხი განვიხილეთ. არსებობს დევნილთა ორი კატეგორია - აფხაზეთიდან იძულებით გადაადგილებულები და აგვისტოს ომის შედეგად დევნილი მოსახლეობა. გვინდოდა დავრწმუნებულიყავით, რომ ორივე კატეგორიას ყურადღება ერთნაირად ექცევა. მე მივიღე ინფორმაცია, რომ როგორც აფხაზეთიდან, ისე ცხინვალის რეგიონიდან დევნილ მოსახლეობას სათანადო Yყურადღება ექცევა."
