კონსერვატიული პარტიის ლიდერის ზვიად ძიძიგურის შეფასებით, "საქართველოს ნატოში გაწევრიანების იმედები არარეალურია".
"საქართველოს ნატოში გაწევრიანებას თავისი პოლიტიკით თვითონ მიხეილ სააკაშვილი უშლის ხელს. ქვეყანაში, რომელშიც არ არსებობს მიუკერძოებელი მედია, სასამართლო, როცა ხალხი სიღატაკის პირასაა და შიმშილობს, ნატოში შესვლის იმედი არ უნდა გვქონდეს. დროა, არარეალურ იმედებს თავი დავანებოთ", - განაცხადა ძიძიგურმა ჭადრაკის სასახლეში ამომრჩევლებთან შეხვედრისას.
მისი განმარტებით, საქართველოსთვის პრიორიტეტული არა ნატოში გაწევრიანება, არამედ რუსეთთან ურთიერთობის აღდგენა უნდა იყოს.
