ფილიპინებში დაკავებული ქართველი მეზღვაური გიორგი შავიშვილი სასამართლომ თავდებით გაათავისუფლა. იგი ამჯერად სასტუმროში იმყოფება. საქართველოს საგარეო საქმეთა სამინისტრო დეტალების გარკვევას ცდილობს.
ჯერჯერობით კვლავ უცნობია რა მიზეზით დააკავეს ქართველი მეზღვაური. ქართველი და ფილიპინელი ბიზნესმენების ასოციაციის განცხადებით, შავიშვილს გემის მფიობელმა კომპანია "ლა პლატამ" უჩივლა.
შეგახსენებთ, რომ ფილიპინელმა სამართალდამცავებმა 13 ქართველი მეზღვაური, პანამის დროშის ქვეშ მცურავ გემზე 7 თვის წინ დააკავეს. ამა წლის იანვარში კი ფილიპინების სასამართლომ ქართველ მეზღვაურებს ყველა ბრალდება მოუხსნა.
