უკრაინის შს მინისტრი არსენ ავაკოვი აცხადებს, რომ ძალოვნებს სლავიანსკში არც ერთი მშვიდობიანი მცხოვრები არ მოუკლავთ აი სეპარატისტები კი ავიანთი თანამებრძოლის ცხედრებს ისე აქობენ, რომ მათზე რაიმე სახის განმასხვავებელი ნიშანი არ დარჩეს. ავაკოვმა ეს განცხადება დღეს მოწყობილ პრესკონფერენციაზე გააკეთა.
„სრული პასუხისმგებლობით ვაცხადებ, რომ უკრაინელი სამხედროების ხელით არც ერთი მშვიდობიანი მოქალაქე არ დაღუპულა",_ განაცხადა ავაკოვმა და აღნიშნა, რომ სამართალდამცავ ორგანოებს აქვთ ინფორმაცია იმის შესახებ, თუ სად მალავენ ტერორისტები მოკლულების ცხედრებს, თუმცა, მისივე ტქმითმ ცხედრები ისეთ მდგომარეობაშია, რომ მათი იდენტიფიცირება ალბათ ვერ მოხერხდება.
მინისტრი ასევე აცხადებს, რომ საუბარია, ტერორისტების მხრიდან ათობით მოკლულზე.
ამავე დროს უკრაინის უშიშროების საბჭოს მდივანმა ვალენტის ნალივაიჩენკომ განაცხადა, რომ ტერორისტები დანაკარგებისა და დაჭრილების შესახებ ინფორმაციას არ ავრცელებენ.
ავაკოვმა კი აღნიშნა, რომ სლავიანსკში 30 აქტიური ბოევიკი მოქმედებს რუსეთიდან, გორლოვკაში 12, დონეცკის საქალაქო ადმინისტრაციაში ასეთი 11 ბოევიკი იმყოფება დანარჩენები კი ადგილობრივი კრიმინალიტეტი და დაქირავებულებია.
რაც შეეხება ლუგანსკს, სამართალდამცავენბის ხელთ არსებული ინფორმაციით, იქ დაახლოებით 300 ბოევიკი მოქმედებს, დონეცკის ოლქში 500-600 ბოევიკია თუმცა „საჭიროების შემთხვევაში" მათი რაოდენობა შესაძლოა გაიზარდოს დაიქრავებულების ხარჯზე.
