დარიალის ხეობაში ჩამოწვა მეწყერი, რამაც გამოიწვია მდინარე თერგის კალაპოტის გადაკეტვა. მომხდარ სტიქიურ მოვლენასთან დაკავშირებით საქართველოს პრემიერ-მინსიტრის დავალებით, შეიქმნა საგანგებო შტაბი, რომელსაც კოორდინაციას სახელმწიფო უსაფრთხოებისა და კრიზისების მართვის საბჭო უწევს. როგორც დღეს სახელმწიფო კანცელარიის ადმინისტრაციაში გამართულ საგანგებო ბრიფინზე აღინიშნა, ადგილზე მობილიზებულია ყველა შესაბამისი სამთავრობო სტრუქტურა, სამაშვლო და საგანგებო სამსახურები. პრემიერის დავალებით, დარიალის ხეობაში ჩადიან საქართველოს შინაგან საქმეთა, ინფრასტრუქტურის და ენერგეტიკის მინისტრები. დარიალის ხეობაში უახლოეს საათებში ჩავა საქართველოს პრემიერ-მინისტრი და ადგილზე გაეცნობა ვითარებას.
უკვე განხორციელდა სასაზღვრო პუნქტებიდან მოსახლეობის და მიმდებარე ტერიტორიიდან მგზავრების ევაკუირება.
ამ ეტაპზე ხორციელდება ყველა აუცილებელი და საგანგებო ღონისძიება, რის გამოც პანიკის საფუძველი არ არსებობს.