საქართველოს პრეზიდენტმა მიხეილ სააკაშვილმა რაგბის ეროვნული ნაკრების წევრები და მწვრთნელი ტრაბზონში გამართული მატჩისა და რაგბისტების მიერ ბოლო პერიოდში მიღწეული წარმატებების გამო ღირსების ორდენებით დააჯილდოვა.
~მე თქვენი გამარჯვების ჩემი რეცეპტი გამოვიტანე - ვერც ერთი სხვა სპორტის წარმომადგენელი ისე ვერ მღერის საქართველოს ჰიმნს, როგორც თქვენ. ეს არის პირველი რეცეპტი იმისა, რომ გაქვთ სწრაფვა გამარჯვებისკენ", - აღნიშნა მიხეილ სააკაშვილმა რაგბისტებთან გამართულ შეხვედრაზე და დასძინა ~ქართველმა გულშემატკივარმა გუშინდელ მატჩს ღირსების მატჩი უწოდა. მინდა ამ მატჩის ყველა მონაწილეს ღირსების ორდენები გადავცე".
მიხეილ სააკაშვილმა რაგბის განვითარების ახალ საპრეზიდენტო პროგრამას მოაწერა ხელი. პროგრამის ფარგლებში დაჩქარდება რაგბის სტადიონების მშენებლობა ბათუმში, ქუთაისში, თბილისსა და ფოთში.
პრეზიდენტის თქმით, ზაფხულში ბათუმში რაგბიში შავი ზღვის აუზის გუნდების ტურნირი ჩატარდება.
