საქართველოს პირველი პრეზიდენტის ზვიად გამსახურდიას პირადი დაცვის ყოფილი წევრი გოჩა ბახია რუსეთის საინფორმაციო სააგენტო "რია ნოვოსტის" ცრუ ინფორმაციის გავრცელებაში ადანაშაულებს და სასამართლოში სარჩელის შეტანას გეგმავს.
საქმე ეხება "რია ნოვოსტის" მიერ გავრცელებულ ინფორმაციას, სადაც წერია, რომ უკრაინაში ფედერალიზაციის მომხრეების წინაღმდეგ ქართველი ნაციონალისტების გადაბირება მიმდინარეობს, მოხალისეების დაფინანსება ხორციელდება არასამთავრობო ორგანიზაცია "თავისუფალი ზონისა" და პარტია "ერთიანი ნაციონალური მოძრაობის" საშუალებით, ხოლო "მოხალისეთა ჯგუფის შეკრების ორგანიზატორი ზვიად გამსახურდიას პირადი დაცვის ყოფილი წევრი, ამჟამად, ფინეთში მყოფი გოჩა ბახიაა.
აღნიშნული ინფორმაციის ერთერთ წყაროდ საქართველოს პარლამენტი სახელდება, თუმცა, წყაროს ვინაობა დასახელებული არ არის.
