"სახალხო დემოკრატები" ნიდერლანდების სამეფოდან საქართველოს ელჩის გამოწვევას აპროტესტებენ.
პარტიის ლიდერის, თბილისის მერობის კანდიდატ ნიკა ივანიშვილის განცხადებით, მაია ფანჯიკიძის გათავისუფლებით ხელისუფლებამ საკუთარ იმიჯს სერიოზული ზიანი მიაყენა.
"ადამიანი, რომელიც ქართული დიპლომატიური კორპურსის ერთერთერთი გამორჩეული წარმომადგენელია, ვადამდე ადრე ტოვებს თავის პოსტს, იმის გამო, რომ საგარეო საქმეთა სამინისტრო პოლიტიკურად ანგაჟირებული უწყებაა და მათვის არ არის პრიორიტეტი პროფესიონალების მაქსიმალური თავმოყრა საგარეო უწყებაში. მაია ფანჯიკიძე არის პიროვნება, შემდგარი პროფსიონალი, უმაღლესი რანგის დიპლომატი, რომელიც ნებისმიერ ქვეყანაში ღირსეულად წარმოადგენდა ჩვენი ქვენის პოლიტიკურ და ეკონომიკურ ინტერესებს", - აცხადებს ივანიშვილი.
ამასთან, ივანიშვილი დარწმუნებულია, რომ ფანჯიკიძის ჰოლანდიიდან გამოწვევის ერთადერთი მიზეზი "ალიანსი საქართველოსთვის" ლიდერ ირაკლი ალასანიასთან მისი ნათესაური კავშირია.
"სამწუხაროდ, ჩვენს ხელისუფლებას იმის შორსჭვრეტელობაც არ ეყო, რომ ამ ადამიანის ყოფნა დიპლომატიიურ სამსახურში, მიუხედავად მისი კავშირისა ალასანიასთან, ქვეყნის დემოკატიულობის და ადამიანთა თავისუფლების კიდევ ერთი ნათელი მაგალითი იქნებოდა", - მიაჩნია ივანიშვილს.
შეგახსენებთ, რომ საქართველოს საგარეო საქმეთა სამინისტრომ რამდენიმე დღის წინ საქართველოს სრულუფლებიანი ელჩი მაია ფანჯიკიძე გაათავისუფლა თანამდებოდბიდან ვადის ამოწურვამდე 1 წლით ადრე.
