საქართველოს მუნიციპალური განვითარების ფონდი მცხეთა-მთიანეთის რეგიონს 35 მილიონი ლარით დაეხმარება. რეგიონში 2010 წელს 9 მნიშვნელოვანი პროექტის განხორციელება იგეგმება.
პროექტებთან დაკავშირებულ პრობლემებზე რეგიონული განვითარებისა და ინფრასტრუქტურის მინისტრის მოადგილე ლაშა გოცირიძემ და მუნიციპალური განვითარების ფონდის აღმასრულებელმა დირექტორმა კონსტანტინე მგელაძემ მცხეთაში ადგილობრივი მუნიციპალიტეტის ხელმძღვანელებთან გამართულ შეხვედრაზე იმსჯელეს.
აღნიშნული პროექტი საქართველოს მთავრობის, მუნიციპალური განვითარების ფონდის, აზიის განვითარების ბანკისა და მსოფლიო ბანკის ფინანსური მხარდაჭერით ხორციელდება.
