პრემიერ-მინისტრმა ირაკლი ღარიბაშვილმა 1989 წლის 9 აპრილს დაღუპულთა ხსოვნას პატივი მიაგო. ღარიბაშვილმა 9 აპრილის მემორიალი გვირგვინით ოჯახის წევრებთან ერთად შეამკო და დღევანდელი დღის მნიშვნელობაზე ისაუბრა.
"ზუსტად 25 წელი გავიდა 9 აპრილის ტრაგიკული მოვლენებიდან. ეს დღე იქცა ქართველი ხალხის თავისუფლების, ქვეყნის დამოუკიდებლობისთვის ბრძოლისა და თავგანწირვის ერთგვარ სიმბოლოდ. ამიტომ ჩვენი ყველას ვალია, რომ პატივი მივაგოთ იმ ადამიანების ხსოვნას, ვინც ამ ბრძოლას თავი შესწირეს", - განაცხადა ირაკლი ღარიბაშვილმა.