შვედეთის საგარეო საქმეთა მინისტრი კარლ ბილდტი საქართველოს ექს-პრეზიდენტის მიხეილ სააკაშვილის დაკითხვაზე დაბარებას ეხმიანება და აცხადებს, რომ რევანშის პოლიტიკა საქართველოს სანდოობას ძირს გამოუთხრის.
,,როდესაც ბოლოს თბილისში ვიყავი და შევხვდი ბატონ ივანიშვილს, ჩვენ შევთანხმდით, რომ რევანშის პოლიტიკა დასრულდებოდა, რადგან ასეთი მიდგომა ძალიან საზიანოა საქართველოსთვის. რევანშის პოლიტიკას მომავალი არ აქვს ევროპაში და ასეთი ტენდენცია ძირს გამოუთხრის საქართველოს სანდოობას და მის, როგორც წარმატებული ქვეყნის განვითარებას", - აღნიშნა ბილდტმა.
შეგახსენებთ, რომ მიხეილ სააკაშვილი პროკურატურაში 27 მარტს დაკითხვაზე დაიბარეს.
