საგარეო საქმეთა მინისიტრი მაია ფანჯიკიძე ვროკომისიის პრეზიდენტ ჟოზე მაუელ ბაროზუს განცხადებას ეხმიანება და აცხადებს, რომ საქართველოსთვის ევროკავშირთან ასოცირების ხელშეკრულების ხელმოწერის დაჩქარება სასიხარულოა.
,, ევროკავშირთან ასოცირების ხელშეკრულების ხელმოწერამ ორი თვით კიდევ აქეთ გადმოიწია. ეს არის, რა თქმა უნდა, ჩვენთვის ძალიან სასიხარულო და იმედი გაქვს, რომ ეს ასეც მოხდება. ეს ხდება არ მხოლოდ იმის გამო, რომ ევროკავშირი პროცესების დაჩქარებითაა დაინტერესებული, არამდე იმიტომაც რომ საქართველო მზად არის ამ ხელშეკრულების ხელმოსაწერად", _განაცხადა საგარეო უწყებაში გამართულ პრესკონფერენციაზე მაია ფანჯიკიძემ.
ფანჯიკიძის განმარტებით, მომდევნო თვეების განმავლობაში რუსეთის მხრიდან შესაძლო მომდინარე საფრთხეებს საქართველო მომზადებული შეხვდება.
,, ჩვენი გამოცდილებიდან გამომდინარე გარკვეულწილად საფრთხეები განსაზღვრული გვაქვს, რომელიც შეიძლება არსებობდეს და ჩვენ პრევენციული ღონისძიებების გატარება დაწყებული გავქვს. რასაკვირველია, ყოველთვის შესაძლებელია გაუთვალისწინებელი მოხდეს, თუმცა ამ ეტაპზე ვფიქრობ, რომ მოვლენები შედარებით წყნარად წარიმართება და მოვახერხებთ, რომ ასოცირების ხელშეკრულებას დაუბრკოლებლად მოვაწეროთ ხელი", _განაცხად მაია ფანჯიკიძემ.
ვროკავშირი საქართველოსთან და მოლდოვასთან ასოცირების ხელშეკრულებებს ივნისში გააფორმებს. ამის შესახებ ევროკომისიის პრეზიდენტმა ჟოზე მაუელ ბაროზუმ განაცხადა.
მისი თქმით, ხელმოწერა მოხდება რამდენიმე თვით ადრე. ვიდრე ეს იგეგმებოდა.
განცხადება ევროკომიის პრეზიდენტმა ევროკავშირის 28 ქვეყნის ლიდერთა სამუშაო ვახშამის შემდეგ გააკეთა.
„ძალიან მნიშვნელოვანია, რომ ევროკავშირის ლიდერებმა გადაწყვიტეს ასოცირების ხელშეკრულების ხელმოწერა მოლდოვასა და საქართველოსთან არაუგვიანეს მიმდინარე წლის ივნისისა", - განაცხადა ბაროზუმ.
მისი თქმით, ხელმოსაწერი დოკუმენტები სათარგმნია 28 ქვეყნის ენაზე, რაც საკმაოდ რთული საქმეა, მაგრამ დათქმულ ვადამდე მოესწრება.
შეგახსენებთ, რომ ხელშეკრულების გაფორმება აგვისტოში იგეგმებოდა.
