თბილისის უფლებამოსილებაშეჩერებული მერი გიგი უგულავა სოციალურ ქსელში ყოფილი პრემიერ-მინისტრის ზურაბ ჟვანიასა და რაულ უსუპოვის შესახებ გავრცელებულ ფოტომასალეს ეხმიანება და აცხადებს, რომ მისთვის გაუგებარია როგორ ხდება პროკურატურაში მიმდინარე საქმეები იუთუბიზე.
,,ამ კადრებით კიდევ ერთხელ დადასტურდა, რომ პროკურატურა ივანიშვილის ხელშია, პირდაპირი დაკვეთების პოლიტიკური ორგანოა. ამასთანავე ივანიშვილი, ღარიბაშვილი და შტეფცელში ინსტრუქციის გარეშეE შეერთებული ფარცხალაძე არიან ავადმყოფები და უზნეო ავადმყოფები. მათ ავადმყოფურ ფანტაზიასა და სურვილს საზღვარი არ აქვს. მაინტერესებს რანაირად ხდება ცხრა წლის წინანდელი ფოტოები, რომელიც საქმეშია ჩაკერებული და ამას ოჯახის წევრებიც ადასტურებენ, იუთუბიზე", _განაცხადა უგულავამ.
უგულავას განმარტებით, ფოტოების გავრცელება ივანიშვილსა და მარგველაშვილს შორის არსებული უთანხომების გადაფარვას ემსახურება.
,,გუშინ დასხდნენ, იფიქრეს გამწვავებულია სახელისუფლებო კონფლიქტი პრეზიდენტი და ივანიშვილი უთანხმოებაშია, როგორ გადაფარონ ეს საქმე და მოიფიქრეს ეს ავადმყოფობა", _განაცხადა უგულავამ.
