პრეზიდენტი გიორგი მარგველაშვილი სამუშაოდ ავლაბრის საპრეზიდენტო რეზიდენციაში ბრუნდება. ამის შესახებ, მარგველაშვილმა ჟურნალისტებთან განმარტა და ის მიზეზები დაასახელა რის გამოც აღნიშნული გადაწყვეტილება მიიღო.
,, აქ გადმოსვლასთან დაკავშირებით კომენტარი უკვე გაკეთებული მაქვს და მდგომარეობს იმაში, რომ იმ პირობებში რომელშიც მუშაობა დავიწყეთ და იმ გეგმებში, რომელიც ამ მიმართულებით დალაგებული იყო გარკვეული კორექტივები შევიდა. ჩემი სურვილი იყო აქ უნივერსიტეტი ყოფილიყო, ეს პროექტი რამდენადაც ვხედავ ვერ დაიძრა. ორი ოთახის ფარგლებში მუშაობა ძალიან გვიჭირდა, შესაბამისად მივიღეთ ეს გადაწყვეტილება. ბიძინას დამოკიდებულება ამ საკითხის მიმართ, ან ჩემი დისკუსია ბიძინასთან ამ საკითხთან დაკავშირებით რჩება ჩვენი ურთიერთობის ნაწილად, რომლის განხილვას არ ვაპირებ", _განაცხადა მარგველაშვილმა.
