პრეზიდენტი გიორგი მარგველაშვილი ყოფილ პრემიერ-მინისტრის ბიძინა ივანიშვილის განცხადებებს პასუხობს. როგორც საკითხის კომენტირებისას მარგველაშვილმა განმარტა, მისთვის სასიამოვნო არ არის, როცა აკრიტიკებენ, თუმცა მისი და ბიძინა ივანიშვილის ურთიერთობის საჯაროდ განხილვას არ აპირებს.
,,მინდა გითხრათ, რომ ბიძინას კომენტარები, მისი დამოკიდებულება ჩემს მიმართ ჩემთვის მართლაც მნიშვნელოვანია, რადგან ვაფასებ ბიძინას ძალიან მაღალი შეფასება მაქვს მისი. მისი აზრი ჩემთვის მნიშვნელოვანია. შესაბამისად დამოკიდებულება, რომ ხდება ჩემი კრიტიკა ჩემთვის მაინც და მაინც სასიამოვნო არ არის. ამასთან ერთად, ბიძინამ ისაუბრა იმაზე რომ იყო გარკვეული თემები, რომლებზეც ჩვენ ვერ შევთანხმდით, ამ საკითხების ირგვლივ ინტენსიური მსჯელობები იყო, თუმცა ხაზგასმით მინდა გითხრათ, იმას რასაც ვსაუბრობდით, განვიხილავდით ამის საჯაროდ გამოტანას არ ვაპირებ, ერთი მიზეზით, ეს არის ჩემსა და ბიძინას ურთიერთობები და არა ურთიერთობები მედიის მეშვეობით ჩემსა და ბიძინასთან", _განაცხადა მარგველაშვილმა.
